გახდი მოაზროვნე

სუპერპრიზი გულისხმობს იმას, რომ თითოეული კლასის შესაბამისი კატეგორიის გამარჯვებულ მოსწავლეს გადაეცემა ორკაციანი საგზური ევროპის ქვეყნებში სამოგზაუროდ. შესაბამისად, გამარჯვებულ მოსწავლეს შეუძლია რომელიმე მშობელთან, ბებოსთან, ბაბუსთან ან სხვა მეურვესთან ერთად გაემგზავროს და დაათვალიეროს ევროპის რომელიმე ცნობილი ქალაქი. ეს უპრეცედენტო შემთხვევაა და გვეამაყება, რომ შეგვიძლია ჩვენი ოლიმპიადის გამარჯვებულებს ასეთი სასიამოვნო საჩუქრები გადავცეთ.

„მოაზროვნეს“ ოლიმპიადის პირველ ტურში (ონლაინტესტირება) ჩართვა უფასოა, ხოლო ფინალურ ტურში მონაწილეობის საფასური თითოეულ საგანში არის 30 ლარი, რომელიც უნდა დაირიცხოს უშუალოდ ფინალური ტურის დაწყებამდე „მოაზროვნეს“ შესაბამის ანგარიშზე (თბს ან საქართველოს ბანკში).

ჩვენს ვებგვერდზე ნახავ მათემატიკის, ისტორიის, ქართულისა და ინგლისური ენის ტესტებსა და სავარჯიშოებს, რომლებიც დაგეხმარება ოლიმპიადისთვის მომზადებაში. ეს რესურსი განახლებადია და ყოველდღიურად უფრო მდიდრდება.

ოლიმპიადის პირველი ტური ჩატარდება ონლაინ, ამავე საიტზე, ხოლო მეორე, ანუ ფინალური ტური, საქართველოს მასშტაბით შერჩეულ ლოკაციებზე, რის შესახებაც ინფორმაცია განთავსდება ჩვენს გვერდზე ოლიმპიადის ჩატარებამდე სულ ცოტა 10 დღით ადრე.

„მოაზროვნეს“ ოლიმპიადაში მონაწილე მოსწავლეთა ნახევარი გამარჯვებულია და ელექტრონული ფორმით ყველას გადაეცემა შესაბამისი დიპლომი. ის, ვინც მოხვდება მისი კლასის შესაბამისი კატეგორიის 20 საუკეთესოში და მონაწილეთა 10%-ში, დასაჩუქრდება წამახალისებელი პრიზებით, ხოლო თითოეული კლასის საუკეთესო შედეგის მქონე დასაჩუქრდება სუპერპრიზით.

მონაწილეობის მიღება შეუძლია როგორც კერძო, ისე საჯარო სკოლის მოსწავლეებს. თითოეული მოსწავლე მონაწილეობს მისი საკლასო კატეგორიის შესაბამის კონკურსში.

ასეთი მონაწილეებისთვის დაინიშნება დამატებითი ტური და მისი საშუალებით გამოვლინდება სუპერპრიზის მფლობელი.

„მოაზროვნე“ ამ მხრივაც გამორჩეულია: თითოეულ საგანში, თითოეული საკლასო კატეგორიის გამარჯვებულ მოსწავლეთა შედეგების მიხედვით, უმაღლესი ქულის მქონე მასწავლებელს გადაეცემა საგზური და მოინახულებს ევროპის რომელიმე ულამაზეს ქალაქს. გარდა ამისა, თითოეული საკლასო კატეგორიის საუკეთესო ხუთი შედეგის მქონე მასწავლებელს გადაეცემა სამახსოვრო პრიზები და „მოაზროვნეს“ მედალი.

თუ მასწავლებლის რომელიმე მოსწავლე მიიღებს პირველი ხარისხის დიპლომს, მაშინ მას მიენიჭება 10 ქულა, მეორე ხარისხის დიპლომზე - 8 ქულა, მესამე ხარისხის დიპლომზე - 6 ქულა, საპატიო სიგელზე - 3 ქულა, ხოლო თითოეულ მონაწილეზე, რომელმაც ვერ გაიმარჯვა - 1 ქულა. ამის შემდეგ დაჯამდება ქულები და თითოეულ საგანსა და თითოეულ საკლასო კატეგორიაში გვეყოლება თითო გამარჯვებული მასწავლებელი. ვფიქრობთ, რომ ხშირ შემთხვევაში მასწავლებლის შრომა არაა სათანადოდ დაფასებული და იმედი გვაქვს, ამ წამოწყებით მათში გავაჩენთ დამატებით სტიმულს.

ამ შემთხვევაში გამარჯვებული იქნება ის, ვისი მოსწავლეებიდანაც უფრო მეტმა დაიმსახურა პირველი ხარისხის დიპლომი; თუ ესეც ერთნაირია, მაშინ მეორე ხარისხის დიპლომების რაოდენობა დაითვლება; თუ ესეც ერთნაირია, უკვე მესამე ხარისხის დიპლომთა რაოდენობას დავითვლით; თუ ესეც დაემთხვა, მაშინ ის იქნება გამარჯვებული, ვისი უფრო მეტი მოსწავლეც იყო ჩართული ოლიმპიადაში. და თუ ესეც ერთნაირია, მაშინ ორივეს (ან რამდენიც იქნება) გადაეცემა საგზურები.

ჩვენს ბაზაზე ფუნქციონირებს „მოაზროვნეს“ მათემატიკის საკვირაო სკოლა, რომელიც გათვლილია II-VI კლასების მოსწავლეებისთვის. გაკვეთილები ტარდება შპს „გოქაძის სკოლაში“, ქალაქ ქუთაისში, ირ. აბაშიძის 13ა. თუმცა საკვირაო სკოლაში ჩართვა შეიძლება დისტანციური ფორმითაც. პირობების სანახავად ეწვიერთ ჩვენს გვერდზე არსებულ შესაბამის გრაფას. „მოაზროვნეს“ მათემატიკის საკვირაო სკოლის მათემატიკის სასწავლო პროგრამა საუკეთესოა. შეგიძლიათ ჩაერთოთ პროექტში და ამაში თავად დარწმუნდებით.

თვალი ადევნეთ ჩვენს ფეისბუქგვერდს; ხშირად შემოიხედეთ ჩვენს საიტზე moazrovne.edu.ge; იაზროვნეთ და ივარჯიშეთ ოლიმპიადებისთვის. ასევე საიტზე შექმენით თქვენი პირადი პროფილი, რომლის მეშვეობითაც შეძლებთ მიიღოთ ოლიმპიადაში მონაწილის სერტიფიკატი ან გამარჯვებულის შესაბამისი დიპლომი თუ სიგელი. ხოლო თუ თქვენ უკვე შექმნილი გაქვთ პირადი პროფილი და ვერ ახერხებთ მასში შესვლას, მოგვწერეთ ფეისბუქგვერდზე და ჩვენი წარმომადგენელი დაგეხმარებათ პრობლემის გადაჭრაში.